Sprava fihurantaŭ filma «Mankurty» dajšła da suda
U minułym hodzie na telekanale ANT pakazali film «Apieracyja KDB «Mankurty», u jakim paviedamili pra zatrymańnie padpałkoŭnika KDB Alaksieja Chrałoviča.
U minułym hodzie na telekanale ANT pakazali film «Apieracyja KDB «Mankurty», u jakim paviedamili pra zatrymańnie padpałkoŭnika KDB Alaksieja Chrałoviča.
Zhodna ź filmam, Chrałovič mieŭ dačynieńnie da pieradačy Ściapanu Puciłu ŭ listapadzie 2020 aŭdyjazapisaŭ razmovaŭ pres-sakratarki Łukašenki Natalli Ejsmant z roznymi słužbovymi asobami. Taksama paviedamlałasia, što Alaksieja zatrymali i dałučyli da apieratyŭnaj hulni, kab vyjavić šlachi evakuacyi biełarusaŭ, jakich mohuć praśledavać pa palityčnych matyvach.
Pavodle ANT, siłaviki zatrymali Viačasłava Sidarakina, Juryja Harkača, Siarhieja Starčanku, Uładzimira Tryfanava i Volhu Sałamienik.
9 vieraśnia ŭ Minskim haradskim sudzie pačniecca sudovy praces pa spravie Viačasłava Sidarakina, Siarhieja Starčanki i Juryja Harkača.
Pieršym dvum inkryminavanyja č.3 art. 295 KK (Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ) i č.1 č.2 art. 333-1 KK (Niezakonnaje pieramiaščeńnie praź miažu atrutnych rečyvaŭ, ahniastrelnaj zbroi, bojeprypasaŭ, vybuchovych rečyvaŭ), Harkaču — č.2 art. 295 KK. Spravu ŭ zakrytym režymie budzie razhladać sudździa Śviatłana Bandarenka.
