Kanada ŭvodzić novyja sankcyi suprać biełaruskich čynoŭnikaŭ i pradpryjemstvaŭ
Kanada ŭvodzić dadatkovyja sankcyi suprać fizičnych i jurydyčnych asob, źviazanych z abaronnym siektaram Rasii i Biełarusi. Pra heta paviedamili ŭ ofisie premjer-ministra krainy Džaścina Trudo.
Rezidencyja premjer-ministra Kanady ŭ Atavie. Fota: Vikipiedyja
U pryvatnaści, sankcyi buduć datyčyć 13 biełaruskich čynoŭnikaŭ i siłavikoŭ, a taksama dvuch biełaruskich pradpryjemstvaŭ.
Taksama ŭvodzicca zabarona na ekspart u Biełaruś pieradavych technałohij i tavaraŭ, jakija mohuć być skarystanyja dla vytvorčaści zbroi, a taksama impart i ekspart šyrokaha śpiektru pradmietaŭ raskošy pamiž Kanadaj i Biełaruśsiu.
U paviedamleńni taksama havorycca, što pad abmiežavańni padpali 6 fizičnych i 46 jurydyčnych asob, źviazanych z rasijskim abaronnym siektaram, a taksama 15 hramadzian Ukrainy, jakija padtrymlivajuć rasijskuju vajennuju ahresiju.
