U Litvie zatrymali 77-hadovaha kantrabandysta, što vioz ź Biełarusi 45 tysiač pačkaŭ cyharet
14 červienia ŭ Šalčyninkaj za rulom ciahača zatrymany kantrabandyst-vieteran. Nielehalnyja cyharety byli vyjaŭlenyja siarod dekaratyŭnych kamianioŭ. Padazravanamu hramadzianinu Litvy amal 80 hadoŭ, paviedamlaje Delfi.lt.
MKT
Kryminalisty litoŭskaj mytni adznačyli, što ciahač Man ź Biełarusi ŭ Litvu praz Šalčyninaj zajechaŭ 14 červienia. Mašynaj kiravaŭ 77-hadovy vilenčuk, jon pakazaŭ, što viazie 20 t dekaratyŭnych kamianioŭ.
Mytniki vyrašyli pravieryć hruz z dapamohaj renthiena. Padazreńni paćvierdzilisia: pamiž kamianiami byli skryni z cyharetami. Z-za składanaj pracedury razhruzki, dakładnaja kolkaść kantrabandy pakul nieviadomaja, adnak na hety momant užo znajšli 45 000 pačkaŭ biełaruskich cyharet Minsk i NZ Gold (na sumu 160000 jeŭra, kali ličyć z padatkami). Cyharety i ciahač zatrymanyja. Byŭ zatrymany i kiroŭca. Rasačataje rasśledavańnie.
16 červienia Vilenski ŭčastkovy sud dazvoliŭ adpuścić padazravanaha, jamu daviadziecca rehularna rehistravacca ŭ palicyi.