U Minsku zatrymali rasijanina pa padazreńni ŭ pracy na telefonnych machlaroŭ
U Minsku zatrymali rasijanina, jakoha padazrajuć u pracy na telefonnych ašukancaŭ, paviedamlaje pres-słužba MUS.
Skryn ź videa MUS pra momant zatrymańnia
Ustanoŭlena, što jon pryjechaŭ u Biełaruś na majskija śviaty i praz sacsietki znajšoŭ padpracoŭku kurjeram nibyta ŭ kramie adzieńnia. Za 2 dni jon naviedaŭ dzieviać adrasoŭ, dzie zabiraŭ u piensijanieraŭ pakiety z rečami i hrašyma dy pieradavaŭ ich pasiaredniku za ŭznaharodžańnie.
U apošnim vypadku pažyłaja žančyna ŭ ślazach pačała pytacca ŭ jaho pra svaju dačku, jakaja nibyta patrapiła ŭ DTZ. Mužčyna zrazumieŭ, u što ŭbłytaŭsia, i terminova viarnuŭsia ŭ Rasiju.
Praź miesiac jon znoŭ prybyŭ u Biełaruś, užo razam sa svaim znajomym, i na čyhunačnym vakzale byŭ zatrymany. U dačynieńni da jaho raspačata kryminalnaja sprava za machlarstva.