Minzdaroŭja zajaviła pra zatrymki ŭ pastaŭkach miedabstalavańnia z-za miažy
Kali raniej heta zajmała 60 dzion, to ciapier 90. Z takoj zajavaj siońnia vystupiŭ namieśnik ministra achovy zdaroŭja Barys Andrasiuk.
Pavodle jaho słoŭ, zamiežnyja partniory zatrymlivajuć pastaŭki z-za pavieličeńnia šlachu dastaŭki ciažkaj techniki.
«U sakaviku byli prablemy pa łahistycy, ciapier jany vyrašanyja. Ciapier kolkaść techniki, jakaja prastojvała, skaraciłasia. Spadziajomsia, stanoŭčaja dynamika zachavajecca», — paviedamiŭ namieśnik ministra.
Jon adznačyŭ, što kraina šukaje alternatyŭnyja šlachi pastavak, adpracoŭvaje łahistyku i pryciahvaje novych pastaŭščykoŭ.
«Ale i sa starymi my nie razryvajem kantakty. Byli zapeŭnivańni, i, ja spadziavajusia, jany zastanucca ŭ sile, što pastaŭki nie spyniacca. I našamu nasielnictvu budzie praciahvać akazvacca mieddapamoha ŭ poŭnym abjomie», — padkreśliŭ namieśnik ministra.
Andrasiuk dadaŭ: «Zamiena detalaŭ vysokatechnałahičnaj techniki — pytańnie tonkaje. My starajemsia stavić zapčastki aryhinała abo vypuščanyja ź licenzijaj aryhinała».
Pavodle jaho danych, u ciapierašni čas dola ajčynnaha miedabstalavańnia składaje kala 25%.
