Znajści
Ałharytmičny łacinski varyjant
21.05.2022 / 08:03RusŁacBieł

Recept na vychadnyja. Šakaładny mus z aliŭkavym alejem — dalikatnaja strava dla viačery z haściami

Šakaładny mus — pryhožy i vielmi smačny desiert, jaki hoža prapanavać haściam. Jość šmat viersij taho, jak jaho hatavać, ale my prapanujem vam recept šakaładnaha musu z aliŭkavym alejem. Dziakujučy hetamu kampanientu, vy atrymajecie bahaty smak i atłasnuju teksturu.

Fota: BBC Food

Kab pryhatavać šakaładny mus z aliŭkavym alejem, vam spatrebicca:

  • 150 hramaŭ drobna pasiečnaha čornaha šakaładu z 70% kakavy,
  • 100 mililitraŭ aliŭkavaha aleju (nie škadujcie hrošaj na alej samaj lepšaj jakaści),
  • 4 vialikija jajki (adździalicie žaŭtki ad białkoŭ),
  • čverć čajnaj łyžki soli — najlepš, morskaj,
  • 50 hramaŭ cukrovaj pudry,
  • 6 kubkaŭ dla espresa ci form dla musu abjomam u 100 mililitraŭ.
  1. Rastapicie šakaład (ale nie da kanca) u mikrachvaloŭcy ci na vadzianoj łaźni. Pakul šakaład jašče nie całkam rastaŭ, akuratna pieramiašajcie jaho, kab rastvarylisia apošnija kamiački. Umiašajcie ŭ šakaład alej i adstaŭcie sumieś u bok.
  2. Uźbicie białki jajek z drobkaj marskoj soli ŭ miscy biez tłušču, uźbivać treba da ŭstojlivych pikaŭ. Adstaŭcie ŭ bok.
  3. U asobnaj vialikaj miscy ŭźbicie žaŭtki, cukar i čverć čajnaj łyžki soli, pakul sumieś nie paśviatleje, nie stanie hustoj i nie pavialičycca ŭ pamiery ŭdvaja.
  4. Pastupova ŭlivajcie sumieś z šakaładu i białkoŭ va ŭźbityja žaŭtki i aściarožna pieramiešvajcie, pakul sumieś nie stanie bolš adnarodnaj. Dadajcie tracinu ŭźbitych białkoŭ i enierhična ŭsio pieramiašajcie, pakul sumieś nie paśviatleje. Potym akuratna ŭviadzicie ŭ sumieś druhuju tracinu białkoŭ, taksama ŭmiašajcie jaje. Narešcie, dadajcie apošniuju častku białkoŭ i znoŭ staranna ŭsio pieramiašajcie.
  5. Akuratna pierakładzicie mus u formy abo kubki. Kab atrymać dalikatnuju i atłasnuju teksturu, možacie spačatku astudzić mus u chaładzilniku na praciahu 20 chvilin, a potym źjeści, abo astudžvać jaho na praciahu hadziny, a potym 40 chvilin trymać pry pakajovaj tempieratury.

Recept na vychadnyja: pasta karbanara

Krupy kinoa: čym jany karysnyja i jak ich hatavać

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
0
Ха-ха
0
Ого
0
Сумна
0
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930