U kłubie «Crazy Horse» padčas tusoŭki na sotni čałaviek zapalili dymavuju šašku. Jość paciarpiełyja
U kłubie «Crazy Horse» na Partyzanskim praśpiekcie prachodziła tusoŭka «Fire Store». Jana startavała ŭ 16:00 i pavinna była skončycca ŭ 22:00. Ale, jak paviedamili «Našaj Nivie» vidavočcy, niedzie kala a pałovie na 9-ju ŭ natoŭpie raspylili piercavy bałončyk i zapalili dymavuju šašku.
Fota z telehram-kanała «STYDNO MINSK»
Na mierapryjemstvie, pavodle acenak udzielnikaŭ, było niekalki socień, moža kala 1000 čałaviek.
Niekatorym chłopcam i dziaŭčatam było kiepska, ich vynosili na rukach. Pryjechali milicyja, chutkaja dapamoha i vyratavalniki.
«Spačatku nikoha nie puskali, paśla dazvolili niekatorym dziaŭčatam zajści ŭ maskach i zabrać rečy, a paśla sami stali vynosić adzieńnie», — kažuć vidavočcy.
«Była zvyčajnaja tusoŭka ŭ kłubie dla padletkaŭ 15-16 hod, — raskazvaje vidavočca. — I pasiarod natoŭpu niejki małady čałaviek staŭ raspylać piarcovy bałončyk na ludziej. Usim stała drenna i ŭsio pamiaškańnie napoŭniłasia hazam. Arhanizatar skazaŭ, kab my vychodzili na vulicu i ničoha z saboj nie brali. Adtul vynieśli 7 čałaviek dakładna. Jany stracili prytomnaść»
Fota z telehram-kanała «STYDNO MINSK»
«Kahości zabirała chutkaja, kahości achova adkačvała jak mahła, — dzielicca jašče adna vidavočca. — Našatyr, močki vušej cierli, vadoj palivali i davali pić, nakryvali ciopłym adzieńniem, chłopcy raspranalisia da hołaha torsu, kab dziaŭčat biez prytomnaści sahreć».
«Naša Niva» dazvaniłasia da art-dyrektara kłuba.
«Mierapryjemstva ŭžo skončyłasia, u nas usio narmalna», — adkazaŭ jon.
Vydańniu «Sputnik» paśla milicyja paviedamiła, što na miescy zdareńnia pracuje śledča-apieratyŭnaja hrupa i što «pa dadzienamu faktu supracoŭniki milicyi praviaduć pravierku».