Kiraŭnik centra Hamalei raskazaŭ, što zaraziŭsia karanavirusam, ale amal nie zaŭvažyŭ hetaha
Kiraŭnik centra Hamalei, dzie byŭ raspracavany «Sputnik V», Alaksandr Hincburh, paviedamiŭ, što byŭ zaražany amikron-štamam karanavirusa.
Fota TASS
Dyrektar rasijskaha NDC epidemijałohii i mikrabijałohii imia Hamalei Alaksandr Hincburh raspavioŭ, što byŭ infikavany amikron-štamam karanavirusa, adnak nie zachvareŭ na COVID-19. Jon źviazvaje heta z tym, što byŭ pryščepleny «Sputnikam V», paviedamlaje RBK.
«Tyja, chto pryščepleny «Sputnikam», chutčej za ŭsio, nie zachvarejuć karanavirusam, vyklikanym štamam «amikron», i moža być, nie daviedajucca, što jany pierachvareli, pakul nie zdaduć antycieły i nie pahladziać viruśniejtralizacyju na «amikronie». Što voś i ja zrabiŭ, źlataŭšy za miažu. Kali b u mianie nie było mahčymaści vyznačyć u svajoj syrovatcy viruśniejtralizujučyja antycieły da «amikrona» paśla pajezdki, ja b i nie daviedaŭsia, što byŭ im infikavany», — raspavioŭ jon.
Sa słoŭ Hincburha, test, jaki jon zrabiŭ paśla pajezdki za miažu, pakazaŭ vielmi vysokija citry virusnatralizujučych «amikron»- antyciełaŭ. Adnak nijakich simptomaŭ COVID-19 jon tak i nie adčuŭ.