Biełčyhunka z 12 śniežnia prapanuje noŭ-chaŭ pry pakupcy biletaŭ u Rasiju
Z 12 śniežnia ŭ kupejnyja vahony i vahony SV ciahnikoŭ, jakija kursirujuć u Rasiju, kvitki buduć pradavacca pa «sistemie dynamičnaha cenaŭtvareńnia».
Usio nie tak składana, jak moža padacca na pieršy pohlad, piša Onliner.
Sutnaść u tym, kab płanavać pajezdki jak maha raniej i kuplać kvitki sa źnižkami. Kali vy vyznačyciesia z kuplaj za 60 (45) dzion da adpraŭleńnia kankretnaha ciahnika, zmožacie raźličvać na maksimalnuju źnižku ŭ 24%.
Zachočacie ŭziać bilet mienš čym za try hadziny da adpraŭleńnia ciahnika (a zahruzka vahona budzie zvyš 81%), pryjdziecca płacić nadbaŭku ŭ pamiery 8%.
- Asnoŭnymi kryteryjami pry farmavańni taryfu z vykarystańniem sistemy źjaŭlajucca ŭzrovień adsotka zaniataści miescaŭ u vahonie adpaviednaha typu i terminy nabyćcia prajaznych dakumientaŭ (biletaŭ) pasažyrami. Pa miery rostu adsotka zapaŭnialnaści vahona košt prajezdu pastupova ŭzrastaje. Pieralik kaeficyjentaŭ ažyćciaŭlajecca ŭ anłajn-režymie pry kožnym novym afarmleńni abo viartańni prajaznych dakumientaŭ, — paviedamlajuć u BČ.
Sistema źnižak/nadbavak nie budzie dziejničać pry adnačasovaj apłacie prajezdu ŭ napramku «tudy i nazad». Taksama dynamičnaje cenaŭtvareńnie nie raspaŭsiudžvajecca na vypadki, kali kvitki kuplajuć «arhanizavanyja hrupy pasažyraŭ». A jašče novaja sistema nie pracuje ź ciahnikom №2/1 Minsk—Maskva.
