Siłaviki zatrymali 11 čałaviek za kamientaryi pra zahinułych rasijskich desantnikaŭ, zaviedzienaja kryminalnaja sprava
HUBAZiKam za «cyničnyja kamientaryi ab zahinułych rasijskich desantnikach» zatrymanyja 11 čałaviek.
Usiaho HUBAZiK vyjaviŭ bolš za 50 čałaviek, jakija ŭ roznych mesendžarach i sacyjalnych sietkach raźmiaścili «bluźnierskija i abraźlivyja vykazvańni ŭ suviazi ź niadaŭniaj hibiellu na vučeńniach u Biełarusi vajskoŭcaŭ Rasijskaj Fiederacyi», paviedamlaje MUS.
Jany pryznanyja padazravanymi pa artykule 130 KK — za raspalvańnie sacyjalnaj varožaści. 11 čałaviek zatrymanyja i źmieščanyja ŭ IČU.
Niaščaście zdaryłasia 12 listapada padčas vučeńniaŭ na palihonie «Hožski», što ŭ Hrodzienskim rajonie. Pry ažyćciaŭleńni vysadki desantu rasijskich pavietrana-desantnych vojsk adbyłosia sutyknieńnie dvuch parašutystaŭ, u vyniku jakoha zakryŭsia kupał adnaho z parašutaŭ.
BIEŁTA tak i nie paviedamiła pra hibiel dvuch rasijskich desantnikaŭ pry vysadcy pad Hrodnam
