BiełTA dahetul nie paviedamiła pra hibiel dvuch rasijskich desantnikaŭ pry vysadcy pad Hrodnam
Na sajcie biełaruskaha dziaržaŭnaha infarmacyjnaha ahienctva dahetul niama infarmacyi pra trahičny vypadak na palihonie Hoža.
Učora padčas raptoŭnych vučeńniaŭ tam zahinuli dva rasijskija desantniki-kantraktniki.
Rasijskaje dziaržaŭnaje infarmacyjnaje ahienctva TASS učora ŭviečary paviedamiła pra hibiel vajskoŭcaŭ hałoŭnaj navinoj. Biełaruskija dziaržaŭnyja ŚMI na hety momant paviedamlajuć sa spasyłkaj na kiraŭnika sił śpiecapieracyj Biełarusi Vadzima Dzienisienku
tolki pra toje, što «pravierka pakazała vysokuju hatoŭnaść i zdolnaść vykonvać zadačy na lubym kirunku i ŭ samyja karotkija terminy ažyćciavić dastaŭku desantaŭ z vykarystańniem vajskova-transpartnaj avijacyi Rasijskaj Fiederacyi i viertalotaŭ VPS i vojskaŭ SPA Respubliki Biełaruś».
Na dumku analitykaŭ, Maskva chacieła b ciapier pavialičyć na Biełarusi svaju pastajannuju vajskovuju prysutnaść. Vysadka desantnikaŭ pad Hrodnam, jak i praloty rasijskich atamnych bambardziroŭščykaŭ i imitacyja skidańnia bombaŭ za 60 km ad polskaj miažy ‒ jaŭnaja demanstracyja rasijskaha kantrolu nad Biełaruśsiu.
Źviarnuła ŭvahu, što pra hibiel desantnikaŭ pieršaj, litaralna adrazu paśla zdareńnia, paviedamiła hrupa byłych biełaruskich siłavikoŭ ‒ praciŭnikaŭ Alaksandra Łukašenki, jakaja bazujecca za miažoj.
«Maskva chacieła b pavialičyć na Biełarusi svaju pastajannuju vajskovuju prysutnaść». Jakaja rola Rasii ŭ mihranckim kryzisie?
