Chto ŭvojdzie ŭ Mižviedamasnuju kamisiju pa supraćdziejańni ekstremizmu i baraćbie z teraryzmam
Stała viadoma, chto ŭvachodzić u Mižviedamasnuju kamisiju pa supraćdziejańni ekstremizmu i baraćbie z teraryzmam — dakumient apublikavany na pravo.by
Staršynia kamisii — dziaržsakratar Rady Biaśpieki abo jaho namieśnik. U kamisiju ŭvachodziać hienprakuror, načalnik Słužby biaśpieki i AAC, staršyni Śledčaha kamiteta i Dziaržaŭnaha kamiteta sudovych ekśpiertyz, kiraŭniki MUS, KDB, Minabarony i MNS, staršyni Pamiežnaha i Mytnaha kamitetaŭ ich namieśniki. Sakratar kamisii — z supracoŭnikaŭ Dziaržsakrataryjata Rady biaśpieki.
Piersanalny skład zaćviardžajecca dziaržsakratarom Savieta Biaśpieki.
Siarod asnoŭnych zadač kamisii:
— arhanizacyja svoječasovaha vyjaŭleńnia i likvidacyi pryčyn i ŭmoŭ, jakija spryjajuć ekstremizmu i teraryzmu;
— kaardynacyja ŭsich subjektaŭ procidziejańnia ekstremizmu i baraćby z teraryzmam, inšych dziaržaŭnych orhanaŭ i arhanizacyj u śfiery procidziejańnia ekstremizmu i baraćby z teraryzmam;
— raspracoŭka prapanoŭ pa ŭdaskanaleńni zakanadaŭstva ŭ śfiery procidziejańnia ekstremizmu i baraćby z teraryzmam, u tym liku pa pytańniach funkcyjanavańnia dziaržaŭnaj sistemy reahavańnia na akty teraryzmu, dziejnaść terarystyčnych arhanizacyj, niezakonnych uzbrojenych farmavańniaŭ i masavyja biesparadki.