Łukašenkaŭski analityk: Bieź jeŭrapiejskich datacyj Polšča pieratvorycca ŭ Bałharyju, a Ukraina moža razvalicca
Ukraina — heta kraina, jakaja siońnia bałansuje na miažy razvału. Takoje mierkavańnie vykazaŭ praŭładny palityčny analityk Juryj Šaŭcoŭ u efiry ANT.
«Čym adroźnivajecca Ukraina ad Polščy: Ukraina ŭžo daŭno trymaje kurs na zachad, ale jana nie atrymała takich datacyj, jakija atrymała Polšča. I nie atrymaje. Kali my havorym pra Ukrainu, my kažam ab adnym polusie adnoj uschodniejeŭrapiejskaj ŭstanoŭki: atrymlivać hrošy za imitacyju kanfrantacyi z Rasijaj. Ale havorym ab tym polusie, jaki nie maje šancaŭ na raźvićcio. Ukraina — heta, na moj pohlad, kraina, jakaja bałansuje na miažy razvału», — zajaviŭ Juryj Šaŭcoŭ.
Polščy ž, na dumku analityka, razvał nie pahražaje, niezaležna ad taho, ci padtrymaje jaje finansava Zachad abo nie. «Stanie čymści kštałtu Bałharyi. A Ukraina moža razvalicca», — ličyć jon.
U Bałharyi, na jakuju spasyłajecca praŭładny analityk, siaredniaja zarpłata dasiahnuła 780 jeŭra (605 jeŭra paśla vypłaty padatkaŭ).
