Va Ukrainie adkryli punkt ananimnaj vakcynacyi dla tych, chto kupiŭ padrobny siertyfikat
Taki punkt adčyniŭsia ŭ horadzie Užharad. Tam zmohuć ananimna pryščapicca ludzi, jakija nabyli padrobleny siertyfikat, a taksama pryščapicca tyja, chto raniej nie vakcynavaŭsia, ale choča zrabić heta ananimna, bo baicca davać pašpartnyja źviestki.
Kabiniet budzie pracavać kruhłasutačna, tam buduć dastupnyja ŭsie vakcyny, uchvalenyja Ministerstvam achovy zdaroŭja krainy: Pfizer, Moderna, Astrazeneca, Johnson & Johnson i Sinovac.
Dla taho kab vakcynavacca, navat nie treba budzie pakazvać svaje asabistyja danyja. Kab možna było niejkim čynam vieści miedycynskuju dakumientacyju, nieabchodna budzie prydumać albo numar, albo imia i padpisać zhodu, jakuju treba addać miedycynskamu rabotniku, kab jon mieŭ jurydyčnaje prava ŭvieści vakcynu.
Raniej prezident Ukrainy Uładzimir Zialenski zajaviŭ, što pryščeplenym buduć płacić pa tysiačy hryŭniaŭ (kala 90 biełaruskich).
Usiaho ŭ krainie chacia b adnu dozu vakcyny ad karanavirusa atrymali bolš za 12,3 miljona čałaviek, ź ich amal 8,9 miljona prajšli poŭny kurs vakcynacyi.