Palitviazień Mikita Jemialjanaŭ skončyŭ haładoŭku, jakuju trymaŭ 20 dzion. U karcary jaho trymali miesiac
Stała viadoma, što palitźniavoleny anarchist Mikita Jemialjanaŭ 31 kastryčnika skončyŭ haładoŭku. Dniom paabiedaŭ upieršyniu za 20 dzion. Padčas haładoŭki Mikita adčuvaŭ słabaść i sanlivaść. Ciapier choča papravić zdaroŭje i nabracca siłaŭ, paviedamlajuć pravaabaroncy.
Mikita znachodziŭsia ŭ karcary z 11 kastryčnika pa 10 listapada. Palitźniavoleny raniej tłumačyŭ, za što jaho znoŭ i znoŭ pamiaščajuć u karcar.
27 kastryčnika administracyja turmy adabrała ŭ Mikity zajavu na naviedvańnie śviatara. Kali Mikita paviedamiŭ, što zajavu pisaŭ užo, to supracoŭniki zrabili vyhlad, niby ŭpieršyniu čujuć pra heta.
Treciaha listapada Mikitu naviedaŭ u turmie biskup, jaki vyłučyŭ jamu sakramenty spoviedzi i kamunii.
19-hadovyja Mikita Jemialjanaŭ i Ivan Komar byli zatrymanyja jašče ŭ kastryčniku 2019 hoda. Pa viersii śledstva, jany ŭ vieraśni taho hoda zakidali budynak Minskaha haradskoha suda lampačkami z farbaj, a potym kinuli «kaktejl Mołatava» ŭ SIZA na Vaładarskaha. Chłopcam dali pa siem hadoŭ kałonii.