Što adbyvałasia 11 listapada na biełaruska-polskaj miažy? Sabrali hałoŭnuju infarmacyju
Pa acenkach Pamiežnaha kamiteta, ciapier u łahiery biežancaŭ na biełaruska-polskaj miažy znachodzicca prykładna 3000 mihrantaŭ, ź ich 500 dziaciej.
Žycharam łahiera padvieźli niekalki mašyn droŭ, kab jany nie vysiakali drevy dla vohniščaŭ u navakolnych lasach. Taksama nievialikija furhony pryvieźli zapasy charču.
Polskaje vydańnie Oko.pl napisała, što ŭ łahiery mihrantaŭ ad pieraachaładžeńnia pamior 14-hadovy chłopčyk. U Pamiežnym kamitecie abvierhli hetuju infarmacyju.
Łahier biežancaŭ naviedaŭ pradstaŭnik AAN u Biełarusi Mułusieu Mamo, jon prapanavaŭ mihrantam paprasić časovaha prytułku ŭ Minsku abo dobraachvotna viarnucca dadomu.
Ambasada Iraka ŭ Maskvie paviedamiła, što arhanizuje evakuacyju svaich hramadzian ź Biełarusi.
Mierkiel znoŭ pazvaniła Pucinu dla abmierkavańnia mihranckaha kryzisu ŭ Biełarusi.
U Minzdaroŭja paćvierdzili, što ciažarnaja biežanka z łahiera na miažy straciła dzicia.
Pad pahrozaj mahčymych sankcyj kampanija Turkish Airlines paviedamiła, što pierastanie vazić u Minsk hramadzian Iraka, Siryi i Jemiena.
Materyjały žurnalistaŭ «Našaj Nivy» pa temie:
«Sami padyšli i prapanavali 500 dalaraŭ». Taksisty raskazvajuć, jak padvoziać mihrantaŭ da miažy
«Nas vielmi šmat, i iduć jašče». Što raskazaŭ kurd z łahiera mihrantaŭ na biełaruska-polskaj miažy