Kali nie pieramahčy hłabalnaje paciapleńnie, buduć kanflikty i chaos va ŭsim śviecie — ekśpiertka AAN
Kali krainy nie zdolejuć skaracić kolkaść vykidaŭ parnikovych hazaŭ, u śviecie moža pahoršycca ŭzrovień biaśpieki i stabilnaści. Pačnucca mihracyjnyja kryzisy i niedachop ježy, što pryniasie z saboj kanflikty i chaos.
Fota depositphotos.com.
Z takim papiaredžańniem vystupiła Patrysija Eśpinoza, vykanaŭčaja sakratarka Ramačnaj kanviencyi AAN ab źmienach klimatu. Ekśpiertka padkreśliła — źmianšeńnie vykidaŭ parnikovych hazaŭ nieabchodnaje, kab zachavać stabilnaje isnavańnie krainaŭ i instytutaŭ, piša Guardian.
Na dumku Patrysii Eśpinoza, u samym drennym vypadku hłabalnaje paciapleńnie moža vyklikać masavaje pierasialeńnie ludziej praz paharšeńnie ich umoŭ žyćcia. Mihracyjnyja kryzisy, što pačnucca takim čynam, pryviaduć da niedachopu ježy, aktyvizujecca dziejnaść złačynnych i terarystyčnych hrupovak.
Papiaredžańni ad ispanskaj čynoŭnicy prahučali niezadoŭha da pačatku kanfierencyi AAN, pryśviečanaj źmienam klimatu, što projdzie ŭ Hłazha z 31 kastryčnika pa 12 listapada. U samicie prymuć udzieł kiraŭniki krain G20. Chutčej za ŭsio, sustreču prapuścić Uładzimir Pucin i kitajski kiraŭnik Si Czińpin, čyja kraina źjaŭlajecca suśvietnym lidaram pa vykidach vuhlakisłaha hazu.
Metaj samita budzie vypracoŭka rašeńnia, jakoje dazvolić da 2030 hoda skaracić suśvietnyja vykidy parnikovych hazaŭ u śviecie na 45%.
Pazbaŭleńnie ad vuhlarodnych vykidaŭ niasie z saboj niečakanyja nastupstvy
Jak zrabić harady bolš biaśpiečnymi dla žančyn
