Pazbaŭleńnie ad vuhlarodnych vykidaŭ niasie z saboj niečakanyja nastupstvy
Treba budzie zdabyvać bolš pryrodnych resursaŭ.
Fota pixabay.com
Ekśpierty śćviardžajuć, što kali suśvietnaja ekanomika piarojdzie da pracy całkam biez vuhlarodnych vykidaŭ, jana adčuje niedachop roznych mietałaŭ i minierałaŭ. Treba budzie pavialičyć tempy zdabyčy pryrodnych resursaŭ — ale, mahčyma, nienadoŭha. Ź ciaham času pierapracoŭka pavinna zadavolić patreby ŭ bazavych resursach, takich jak lityj.
Pra heta śviedčyć prafiesar Ryčard Chierynhtan, supracoŭnik łondanskaha Muzieja pryrodaznaŭstva, u svajoj novaj publikacyi. Jak ličyć navukoviec, hramadskaść pakul nie razumieje, jakija nastupstvy moža vyklikać pierachod na bolš ekałahičny ład žyćcia, piša VVS.
Naprykład, vytvorčaść elektramabilaŭ źviazanaja z vykarystańniem šerahu rečyvaŭ — kobaltu, nieadymu, karbanatu lityju, dysproziju i miedzi. Kobalt i lityj patrebnyja dla vyrabu akumulataraŭ, nieadym vykarystoŭvajuć pry vytvorčaści mahnitaŭ dla elektraruchavikoŭ. Kali śviet całkam piarojdzie na elektrakary, patreby ŭ hetych rečyvach vyrastuć u šmat razoŭ.
Chierynhtan spadziajecca, što da 2050 hoda suśvietnaja ekanomika pačnie pracavać u biezadchodnym režymie, i ŭsie resursy, jakija patrebnyja čałaviectvu, možna budzie atrymać šlacham pierapracoŭki.
Da hetaha času varta znajści novyja krynicy resursaŭ. Takoj krynicaj moža być marskoje dno, ale nie ŭsie kampanii zhodnyja zdabyvać pryrodnyja resursy takim čynam. Jany aścierahajucca škody, jakuju heta moža prynieści marskim ekasistemam.
