Kiraŭnik Minzdaroŭja śćviardžaje, što situacyja z karanavirusam u Biełarusi pad kantrolem
Dakładvajučy Łukašenku ab situacyi z kavidam u Biełarusi, ministr achovy zdaroŭja Dźmitryj Pinievič adznačyŭ siońnia:
«Ja chaču bieź śloz, biez stohnaŭ skazać: situacyja całkam kantralavanaja, pravodzicca ŭvieś kompleks mierapryjemstvaŭ, nakiravanych na prafiłaktyku, na pierapynieńnie epidemičnaha pracesu i na lačeńnie pacyjentaŭ, pra jaki ŭ tym liku siońnia idzie havorka», — skazaŭ kiraŭnik Ministerstva achovy zdaroŭja.
U hety ž čas jon adznačyŭ, što čaćviortaja chvala charaktaryzujecca vysokim rostam zachvorvańnia, ź jakim kraina jašče nie sutykałasia.
Nahadajem, učora Ministerstva achovy zdaroŭja praz kavid prypyniła akazańnie płanavaj miedycynskaj dapamohi. Havorka idzie ab praviadzieńni dyspansieryzacyi, skryninhavych mierapryjemstvaŭ, vykanańni reabilitacyjnaj dapamohi, fizijaterapieŭtyčnych pracedur, manipulacyj padčas znachodžańnia ŭ adździaleńniach dzionnaha znachodžańnia.
Za apošnija dni ŭ Biełarusi byli abnoŭlenyja rekordy pa kolkaści novych vypadkaŭ kavidu za dzień i pa kolkaści śmierciaŭ.
Biełaruś zajmaje adno z apošnich miescaŭ u Jeŭropie pa ŭzroŭni vakcynacyi.
