Vystavačny prajekt da 100-hodździa Vilenskaha biełaruskaha muzieja imia Łuckieviča raspačaŭsia ŭ Nacyjanalnym mastackim muziei
Sto hod tamu Ivan Łuckievič pieradaŭ svaju ŭłasnuju kalekcyju staražytnaściaŭ Biełaruskamu navukovamu tavarystvu ŭ Vilni — tak i pačaŭsia pieršy biełaruski nacyjanalny muziej.
Jon isnavaŭ z 1921 pa 1945 hod i za karotki čas svajho isnavańnia staŭ centram biełaruskaha kulturnaha žyćcia Vilni i ŭsioj Zachodniaj Biełarusi, hurtavaŭ vakoł siabie dziejačaŭ nacyjanalnaha adradžeńnia, u im arhanizoŭvalisia nie tolki ekskursii, muziej taksama vystupaŭ placoŭkaj dla praviadzieńnia lekcyj, tvorčych sustreč i adukacyjnych prahram.
Paśla likvidacyi muzieja kalekcyi padzialili pamiž Biełaruśsiu i Litvoj. Najbolšaja i samaja kaštoŭnaja častka muziejnych rečaŭ zastałasia ŭ Litvie, u Biełaruś patrapili pradmiety, jakija, na dumku likvidacyjnaj kamisii, mieli niepasrednaje dačynieńnie da našaj kultury.
Ciapier usie ekspanaty ź biełaruskich schoviščaŭ sabranyja ŭ maštabnym prajekcie — nie prapuścicie. Vystava budzie pracavać da 12 śniežnia.