Student atrymaŭ 15 sutak za pierasyłku ŭ instahramie adnaho dopisu «ekstremisckaha» telekanała
U sudzie Centralnaha rajona siońnia razhledzieli spravu 21-hadovaha studenta MIPSA Vadzima Chachłova, pieradajuć pravaabaroncy. Treciakurśnika zatrymali jašče ŭčora, 5 kastryčnika, i adrazu kanfiskavali telefon.
U jaho pryvatnaj pierapiscy ŭ Instagram milicyjanty znajšli paviedamleńnie, jakoje Vadzim pierasłaŭ sa staronki telekanała, jaki ŭłady pryznali ekstremisckim.
Za heta ŭ Centralnym RUUSie na Vadzima skłali pratakoł pa art. 19.11 KaAP (raspaŭsiudžvańnie infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść).
Sudździ Dźmitryju Karsiuku chłopiec rastłumačyŭ, što nie viedaŭ pra toje, što staronka vydańnia navat u Instagram pryznana ekstremisckaj. Dovady na sudździu nie padziejničali — jon pryznaŭ Chachłova vinavatym i aryštavaŭ jaho na 15 sutak.
«Ja viedała, što buduć palitviaźni, katavańni, śmierci». Pravaabaronca Nasta Łojka pra toje, čamu zastajecca ŭ Biełarusi
