Suprać bresckaha aktyvista Andreja Šarendy zaviali jašče niekalki kryminalnych spraŭ
U paniadziełak u Breście supracoŭniki KDB prychodzili ź pieratrusami da blizkich aktyvista Andreja Šarendy, jaki ŭciok ź Biełarusi. Siłaviki cikavilisia jaho miescaznachodžańniem. Vyśvietliłasia, što na jaho raspačatyja kryminalnyja spravy pa niekalkich artykułach.
Fota z fejsbuka
Padčas pieratrusu ŭ kvatery Šarendaŭ była ciešča Andreja: u dakumiencie, jaki joj pakazali, byŭ ceły šerah artykułaŭ Kryminalnaha kodeksa — kala dziasiatka, piša reform.by.
Pavodle Andreja Šarendy, ciešča zapomniła dva artykuły, pa jakich jon prachodzić padazravanym: č. 2 art. 361-2 KK («Finansavańnie ekstremisckaj dziejnaści») i art. 289 («Akt teraryzmu»).
Raniej na aktyvista zaviali kryminalnyja spravy pa art. 361 («Zakliki da dziejańniaŭ, jakija nanosiać škodu nacyjanalnaj biaśpiecy») i art. 368 KK («Abraza prezidenta»). Andrej Šarenda ŭciok ź Biełarusi.
Jaho žonka Palina Šarenda-Panasiuk znachodzicca za kratami z 3 studzienia. Jaje asudzili na dva hady pazbaŭleńnia voli, abvinavaciŭšy va ŭžyvańni hvałtu ŭ dačynieńni da milicyjantaŭ i ich abrazie, a taksama ŭ abrazie Alaksandra Łukašenki.
