U Radzie biaśpieki Biełarusi nie vyklučyli raźmiaščeńnia ŭ Tadžykistanie vajskoŭcaŭ ADKB z-za situacyi ŭ Afhanistanie
Takoje mierkavańnie vykazaŭ dziaržsakratar Rady biaśpieki Biełarusi Alaksandr Valfovič u artykule, apublikavanym u čaćvier u haziecie «SB. Biełaruś siehodnia».
Jon padkreśliŭ, što padziei ŭ Afhanistanie mohuć pryvieści da rostu transnacyjanalnych vyklikaŭ i pahroz.
«Dalejšaje abvastreńnie i niepradkazalnaść abstanoŭki nie vyklučajuć u tym liku pryniaćcia rašeńnia ab raźmiaščeńni vajskovych kantynhientaŭ dziaržaŭ — členaŭ Arhanizacyi [uvachodziać Rasija, Biełaruś, Armienija, Kazachstan, Kyrhyzstan] na terytoryi Tadžykistana ŭ metach achovy tadžykska-afhanskaj miažy ŭ składzie kalektyŭnych sił chutkaha razhortvańnia Centralnaazijackaha rehijona kalektyŭnaj biaśpieki i Kalektyŭnych sił apieratyŭnaha reahavańnia ADKB», — adznačyŭ A. Valfovič.
Pavodle jaho słoŭ, nieabchodna «rabić dadatkovyja namahańni pa ŭmacavańni dypłamatyčnych i vajenna-palityčnych adnosin u ramkach Sajuznaj dziaržavy, ADKB, ŠAS, a taksama ŭ dvuchbakovym farmacie ź inšymi zamiežnymi partniorami».
