Prychilniki Navalnaha znajšli ŭ prapahandystki Skabiejevaj nieruchomaść u Maskvie na 4,1 miljona dalaraŭ
Fond baraćby z karupcyjaj rasijskaha apazicyjaniera Navalnaha śćviardžaje, što viadučyja kanała «Rośsija 1» Volha Skabiejeva i jaje muž Jaŭhien Papoŭ majuć nieruchomaść u Maskvie na sumu bolš za 4,1 młn dalaraŭ.
U krasaviku 2015 hoda para kupiła 105-mietrovuju kvateru ź vidam na Piatroŭski park.
U listapadzie 2020 hoda Skabiejeva i Papoŭ kupili 170-mietrovuju kvateru ŭ elitnym žyłym kompleksie na Leninhradskim praśpiekcie.
U hetym ža žyłym kompleksie ŭ červieni 2019 hoda Skabiejeva i Papoŭ stali ŭłaśnikami niežyłoha pamiaškańnia z asobnym uvachodam na pieršym paviersie. Płošča pamiaškańnia składaje 180 kvadratnych mietraŭ.
Ni Papoŭ, ni Skabiejeva nikoli nie zajmalisia biznesam, i ŭ ich niama inšaha dachodu, akramia jak ad pracy na dziaržaŭnym telekanale «Rośsija 1».
