Ksiondz-videabłohier Viačasłaŭ Barok pakinuŭ Biełaruś
Zaŭtra jon abiacaje raspavieści padrabiaznaści na svaim jutub-kanale, piša «Chryścijanskaja vizija».
Nahadajem, što ŭ śniežni Viačasłaŭ Barok pravioŭ za kratami 10 sutak, bo apublikavanuju im antyfašysckuju karykaturu paličyli «demanstracyjaj nacysckaj simvoliki».
Viačasłaŭ Barok słužyć u Rasonach. Heta samaja poŭnač Viciebščyny, adzin z samych małanasielenych rajonaŭ.
Ajciec Viačasłaŭ — probašč miascovaj katalickaj parafii. Jon viadzie jutub-kanał, a taksama piša ŭ sacyjalnyja sietki.
Propaviedzi ajca Viačasłava Barka — pra toje, što adbyvajecca vakoł nas. «Dakul Boh budzie ciarpieć katavańni siłavikoŭ nad biełarusami?» — takaja tema kazani ad 11 listapada, u jakoj ajciec Viačasłaŭ adkazvaje na pytańni parafijan i svaich hledačoŭ paśla 8 listapada, kali ŭ Minsku było za adzin dzień zatrymana bolš za 1050 čałaviek.
Raniej byli propaviedzi «Ahresija — adkul biarecca? Što kaža pra jaje Kaścioł i Boh. Los ahresaraŭ» i «Dyjałoh — najlepšy vychad ź luboha kanfliktu».
Paru dzion tamu pravaabaroncy paviedamlali ab pačatku administracyjnaha pracesu ŭ dačynieńni da ksiandza Viačasłava Barka.
Na ksiandza Viačasłava Barka zavodziać administracyjnuju spravu za fota ŭ sacsietkach
