Na ksiandza Viačasłava Barka zavodziać administracyjnuju spravu za fota ŭ sacsietkach
14 červienia śviatar raźmiaściŭ u siabie ŭ instahramie fotazdymak, zrobleny na polska-biełaruskaj miažy padčas akcyi salidarnaści, jakaja prachodziła 12 červienia, paviedamlajuć pravaabaroncy.
14 červienia śviatar raźmiaściŭ u siabie ŭ instahramie fotazdymak, zrobleny na polska-biełaruskaj miažy padčas akcyi salidarnaści, jakaja prachodziła 12 červienia. Na im dzieci palitźniavolenaj aktyvistki «Krainy dla žyćcia» Antaniny Kanavałavaj trymajuć płakat z nadpisam: «SOS! Na majoj Radzimie biada!» Dzieci znachodziacca z babulaj u Polščy dziela ich biaśpieki.
Milicyjanty pryjšli prosta na terytoryju kaścioła, dzie taksama znachodzicca i dom, u jakim pražyvaje ksiondz. Ad mužčyny zapatrabavali tłumačeńniaŭ nakont fotazdymka, jaki, pa ich zdahadkach, byŭ zrobleny ŭ h. Haradok Viciebskaj vobłaści, i na im nibyta niesankcyjanavanaje mierapryjemstva z udziełam dziaciej-viernikaŭ, a aŭtaram fotazdymka nibyta źjaŭlajecca ksiondz Viačasłaŭ, niahledziačy na toje, što apošni navat nie naviedvaŭ hety nasieleny punkt u nazvanyja dni. Na sajcie «Biełsata» hety fotazdymak byŭ apublikavany jašče 12 červienia z aŭtarstvam «AŠ / Biełsat».
Viačasłaŭ Barok słužyć u Rasonach. Heta samaja poŭnač Viciebščyny, adzin z samych małanasielenych rajonaŭ.
Ajciec Viačasłaŭ — probašč miascovaj katalickaj parafii. Jon viadzie jutub-kanał, a taksama piša ŭ sacyjalnyja sietki.
Propaviedzi ajca Viačasłava Barka — pra toje, što adbyvajecca vakoł nas. «Dakul Boh budzie ciarpieć katavańni siłavikoŭ nad biełarusami?» — takaja tema kazani ad 11 listapada, u jakoj ajciec Viačasłaŭ adkazvaje na pytańni parafijan i svaich hledačoŭ paśla 8 listapada, kali ŭ Minsku było za adzin dzień zatrymana bolš za 1050 čałaviek.
Raniej byli propaviedzi «Ahresija — adkul biarecca? Što kaža pra jaje Kaścioł i Boh. Los ahresaraŭ» i «Dyjałoh — najlepšy vychad ź luboha kanfliktu».