U Hrodzienskaj vobłaści projduć vučeńni z udziełam vojsk terytaryjalnaj abarony
Kamandna-štabnyja vučeńni z udziełam vojskaŭ terytaryjalnaj abarony projduć u bližejšy čas u Hrodzienskaj vobłaści. Jany pradoŭžać sieryju vučeńniaŭ, jakija prajšli ŭžo ŭ Mahiloŭskaj vobłaści i ciapier prachodziać u Bresckaj vobłaści.
Ab hetym paviedamiŭ žurnalistam ministr abarony Viktar Chrenin pa vynikach sustrečy pa pytańniach terytaryjalnaj abarony ŭ Łukašenki, piša BiełTA.
Jon raskazaŭ pra vučeńni terytaryjalnaj abarony ŭ Mahiloŭskaj vobłaści, kali byli sfarmiravany adnačasova 3 štaby rajonaŭ, mabilizavany 3 bataljony.
Zaŭtra pačynajucca kamandna-štabnyja vučeńni z terytaryjalnaj abaronaj u Bresckaj vobłaści, dzie sfarmiravany štab zony Bresckaj vobłaści i štab adnaho rajona, dva bataljony i adna strałkovaja rota terytaryjalnych vojskaŭ. «Z 17 červienia jany pačnuć aktyŭnuju fazu vykanańnia zadač vučeńnia», — skazaŭ Viktar Chrenin.
«U najbližejšaj budučyni taki ž kompleks mierapryjemstvaŭ čakaje Hrodzienskuju vobłaść», — dadaŭ jon.
Taksama značnym mierapryjemstvam padrychtoŭki Uzbrojenych Sił budzie vučeńnie «Zachad-2021» u vieraśni hetaha hoda, dzie płanujecca zadziejničać i vojski terytaryjalnaj abarony.
