U Ekvadory znajšli hihanckuju čarapachu, jakaja ličyłasia vymierłaj sto hadoŭ tamu
Vyjaviłasia, što čarapacha, jakuju znajšli na Hałapahoskich astravach u 2019 hodzie, adnosicca da redkaha vidu, što ličyŭsia źnikłym stahodździe tamu.
Fota CNN
Čarapachu znajšli dva hady tamu na vostravie Fiernandyna — adzin z samych niekranutych astravoŭ archipiełahu, paviedamlaje CNN.
U aŭtorak navukoŭcy ź Jelskaha ŭniviersiteta apublikavali hienietyčnaje daśledavańnie i paraŭnańnie DNK znojdzienaj čarapachi z uzoram, jaki zastaŭsia z 1906 hoda ad vidu Chelonoidis phantasticus. Uzory DNK supali, tamu vyrašana, što hety vid byŭ pamyłkova adniesieny da vymierłaha.
Ciapier rychtujecca novaja ekśpiedycyja dla pošuku inšych hihanckich čarapach, kab pasprabavać vyratavać hety vid.
Pa źviestkach Nacyjanalnaha parka Hałapahos, na astravach žyvie kala 60 tysiač asobin hihanckich čarapach roznych vidaŭ.
