Naradžalnaść bliźniat va ŭsim śviecie dasiahnuła histaryčnaha maksimumu
Zhodna z daśledavańniem demohrafaŭ z Oksfardskaha ŭniviersiteta, naradžeńnie bliźniat na siońnia stała bolš raspaŭsiudžanym, čym kali-kolviek u historyi čałaviectva.
Fota Depositphotos.com
Daśledčyki praanalizavali źviestki sa 165 krain i vyjavili značny rost naradžalnaści bliźniat z 1980-ch hadoŭ. Kožny 42-i čałaviek u śviecie maje bliźniuka, što ekvivalentna naradžeńniu 1,6 miljonaŭ bliźniat štohod.
U hłabalnym maštabie z 1980-ch hadoŭ kolkaść bliźniat pavialičyłasia ŭ siarednim z 9 da 12 na 1000 naradžeńniaŭ. Adnak ličby značna adroźnivajucca ŭ zaležnaści ad krainy, piša The Guardian.
Navukoŭcy zaŭvažyli, što ŭzrovień naradžalnaści adnajajcavych bliźniat amal nie źmianiŭsia ź ciaham času. Adnak pavialičyłasia kolkaść nieidentyčnych bliźniat i bliźniat, narodžanych u vyniku repraduktyŭnaj miedycyny.
Hetamu paspryjali takija faktary, jak pašyreńnie dostupu da lačeńnia biaspłodździa, štučnaha zapładnieńnia, a taksama tendencyja da bolš poźniaha maciarynstva, bo vierahodnaść naradžeńnia nieidentyčnych bliźniat pavialičvajecca z uzrostam baćkoŭ i dasiahaje piku ad 35 da 39 hadoŭ.
Bolš za ŭsio bliźniat naradžałasia ŭ Paŭnočnaj Amierycy i Jeŭropie. Heta abumoŭlena tym, što ŭ raźvitych krainach repraduktyŭnaja miedycyna bolš raźvitaja.