Vy atrymajecie estetyčnuju asałodu: startavaŭ prajekt, jaki pakaža, jak apranalisia našy prodki
Biełarusy raspačali novy prajekt, jaki ŭ cikavaj formie raspaviadzie pra asablivaści biełaruskaj vopratki i jaje rehijanalnyja admietnaści, raskryje estetyku biełaruskaha nacyjanalnaha stroju.
Pierakanajciesia sami, heta vielmi pryhoža!
Prajekt «Tradycyjny stroj» — heta pieršaja anłajn-encykłapiedyja aŭtentyčnych tradycyjnych strojaŭ Biełarusi. Dziakujučy prajektu vy daviedajeciesia, jak apranalisia našy prodki ŭ roznych rehijonach krainy. Pabačycie, što nacyjanalnaje adzieńnie biełarusaŭ adroznaje nie tolki ad adzieńnia słavianskich susiedziaŭ, ale i ŭ miežach samoj Biełarusi maje značnyja asablivaści. A taksama daznajeciesia pra hłybinnyja sensy, jakija niasie ŭ sabie kožny elemient tradycyjnaha stroju.
Pieršy ekskurs — u Bieraściejski kraj. Praniknieciesia estetykaj hetaj miascovaści.
Nastupnyja videa buduć publikavać na jutub-kanale EtnaTradycyi. Možacie ŭžo pastavić zvanočak na jutubie, kab nie prapuścić.
Sam prajekt budzie realizoŭvacca na biełaruskaj i anhlijskaj movie, što dazvolić vam pakazać hetuju pryhažość siabram-zamiežnikam.
Prajekt realizujecca ŭstanovaj «EtnaTradycyja» sumiesna z Centram daśledavańniaŭ biełaruskaj kultury, movy i litaratury NAN Biełarusi.
