Jak spać pa 7 hadzin i adčuvać siabie vyspanym
Pavodle rekamiendacyj Amierykanskaj akademii miedycyny snu vierchniaj miažy normy dla snu niama, a nižniaja składaje siem hadzin. Ale, navat kali čałaviek śpić šmat, u jaho moža ŭźnikać adčuvańnie niavyspanaści. Čamu heta adbyvajecca, sajtu AiF.ru raskazaŭ prezident Rasijskaha tavarystva samnołahaŭ, prafiesar, doktar miedycynskich navuk, zasłužany doktar Rasijskaj Fiederacyi Raman Buzunoŭ.
Pa słovach Buzunova, isnuje kala 80 chvarob snu, jakija tak ci inakš paharšajuć jaho jakaść. Niavyspanaść moža być pryčynaj i niekatorych samatyčnych chvarob.
Nizki cisk i son
Ludzi ź nizkim ciskam lubiać paspać. Kali čałavieku z narmalnym ciskam nie brakuje 6—7 hadzin dla snu, to hipatoniku treba jašče paru hadzin, kab narmalna vyspacca. Pa słovach Buzunova, čałaviek ź nizkim ciskam moža ŭstać z ranicy i adčuvać pačućcie niavyspanaści ŭ siłu svaich fizijałahičnych asablivaściaŭ.
Kafieinavaja zaležnaść i son
Pačućcio niavyspanaści moža ŭźnikać i z-za kafieinavaj zaležnaści. «Byvaje zaležnaść ad kafieinu. Čałaviek pryvykaje na praciahu dnia padtrymlivać siabie vialikimi jaho dozami. Potym ad hetaha jon i zasnuć nie moža, i pračnucca ranicaj, bo kafiein pierastaŭ dziejničać. Adčuvaje siabie raźbitym i stomlenym, jon znoŭ pavinien pryniać niejkuju dozu kafieinu z pryčyny ŭžo ŭźnikłaj zaležnaści», — zaścierahaje Buzunoŭ.
Kureńnie i zahazavanaść paharšajuć son
Niedachop snu mohuć adčuvać i zaŭziatyja kurcy. Pa słovach ekśpierta, u pracesie udychańnia dymu ŭ kryvi bolšaje kancentracyja vuhlakisłaha hazu, jaki bolš za źviazvajecca z hiemahłabinam, čym kisłarod. U kurca prajaŭlajucca simptomy kisłarodnaha haładańnia, choć kancentracyja kisłarodu ŭ pavietry mianiajecca niaznačna.
«Kali čałaviek palić, to pry skurvańni adnoj cyharety 1% hiemahłabinu źviazvajecca z vuhlakisłym hazam, jaki čałaviek udychaje. Kroŭ pry hetym cyrkuluje, ale kisłarod nie pieranosić. Kali čałaviek vykurvaje 20 cyharet, to 20% kryvacioku cyrkuluje namarna», — kaža Buzunoŭ.
Pastajannaje adčuvańnie niavyspanaści taksama charakternaje dla žycharoŭ vialikich haradoŭ. Vychłapnyja hazy, jakija ŭtrymlivajuć aksidy azotu i vuhlarodu, dyjaksid siery i inšyja rečyvy, mohuć akazvać taksičny efiekt.
«Usie jany vyklikajuć taksičny efiekt. Kroŭ pačynaje horš pieranosić kisłarod, i moža ŭźnikać kisłarodnaje haładańnie», — kaža Buzunoŭ.
«Raśsinchron» i son
Pa słovach Buzunova, u našy dni samaj častaj pryčynaj taho, što čałaviek nie vysypajecca, źjaŭlajecca «sacyjalny džetłah», kali arhanizm paprostu nie hatovy da pastajannaj źmieny hrafikaŭ i rytmaŭ, jakuju dyktuje miehapolis. «U vialikich haradach 20% nasielnictva pracuje pa źmiennym hrafiku. Jašče pałova nasielnictva adsypajecca ŭ vychadnyja dni z roźnicaj dźvie hadziny i bolš. I tak štotydzień. Čałaviek vysypajecca ŭ vychadnyja, a z pačatkam novaha pracoŭnaha tydnia ranicaj ŭstaje niavyspany, bo arhanizm nie razumieje, kali treba pračynacca. Čałaviek bolš-mienš sanlivy prychodzić u normu tolki da kanca tydnia i na vychodnych znoŭ adsypajecca», — kaža Buzunoŭ.
Takaja niaŭzhodnienaść bijałahičnych rytmaŭ i režymu snu i niaspańnia, jak kaža ekśpiert, pryvodzić da taho, što čałaviek pačynaje pakutavać ad niavyspanaści, choć na samaj spravie jon spaŭ dastatkovuju kolkaść času.
Daktary rekamiendujuć zaŭsiody kłaścisia ŭ adzin i toj samy čas. Heta hałoŭnaja zaruka dobraha snu.
