I brovar «Taler», jaki raniej varyŭ piva ŭ honar rasijskich spartoŭcaŭ, pryśviaciŭ novy hatunak 100-hodździu BNR
Jašče adzin nievialiki minski brovar vyrašyŭ adznačyć 100-hodździe Biełaruskaj Narodnaj Respubliki. Da 25 Sakavika «Taler» zvaryŭ piva «1918».
Piva vykanaana ŭ styli Hazy IPA z vykarystańniem usiaho tolki adnaho chmielu. IPA — charaktarazujecca vialikaj horyčču i mocnym vodaram, usio heta dabivajecca za košt chmielu. U zvyčajnym łahierach, jakija ŭ bolšaści pradajucca ŭ kramach, utrymańnie chmielu našmat mienšaje. Hazy — aznačaje «mutny», hetamu stylu ŭłaścivaja vialikaja sakavitaść.
«Kalektyŭ brovaru «Taler» vinšuje ŭsich z važnaj dataj u našaj historyi — stahodździem abviaščeńnia Biełaruskaj Narodnaj Respubliki! Tak užo skłałasia, što paŭnavartasna našuju niezaležnaść tady pryznała niašmat krain, adna ź ich — Finlandyja. Tamu my vyrašyli simvalična padziakavać finam, zvaryŭšy mutny Hazy Single Hop IPA «1918» z žytam, aŭsom i adnym hatunkam chmielu Pekko, jaki nazvany ŭ honar finskaha boha ziemlarobstva i pivavarstva», — piša ŭ svaich sacsietkach «Taler».
Hety brovar pryciahnuŭ da siabie ŭvahu letaś, kali pryśviaciŭ piva rasijskim spartoŭcam, jakich nie dapuścili da vystupleńnia na Alimpijadzie-2018. Na etykietcy było napisana «Rasija, napierad». Raniej hety pivavary rabili piva ŭ honar Ksienii Sabčak, Donalda Trampa, Volhi Buzavaj.
Raniej piva da 100-hodździa BNR zvaryŭ brovar Blood Brothers Brewery. A jašče letaś navinku da hetaj samaj padziei vypuściła «Lidskaje piva».
