U Minsku na paŭdnia adkryjuć restaran sa śniadankami pa 5 rubloŭ — mieniu
Pieršy restaran u farmacie pop-up — «źjaviŭsia i źnik» — zapracuje ŭ stalicy 25 studzienia. U naviednikaŭ budzie ŭsiaho adzin dzień, dakładniej, čas da abiedu, kab pakaštavać dzieviać lohkich śniadankaŭ. U 9.00 johurt-bar adkryjecca, a ŭžo ŭ 14.00 — nazaŭždy začynicca, tamu stoliki lepš braniravać zahadzia. Luby set plus kava ci harbata z malinavym vareńniem i lohki johurt «Aktyvija» buduć kaštavać roŭna 5 rubloŭ.
Bonus: padčas śniadanku možna budzie pahutaryć z himnastkaj Mielitaj Staniutaj, mastakami Nikaj Sandras i Miciem Piślakom, biznesoŭkami Śviatłanaj Zere i Julijaj Kurjan. Usie jany adhuknulisia na prapanovu pravieści čas z naviednikami johurt-bara, bo sami ŭpeŭnienyja, što rehularna śniedać — heta karysna i zusim nie składana.
Stvaralniki adnadzionnaha restarana arhanizujuć barnuju stojku z kaktejlami i padrychtujuć dziasiatak stolikaŭ dla paŭnavartasnaha, ale lohkaha i chutkaha śniadanku. Abiacajuć, što ježu pryniasuć za 5 chvilin, a ŭvieś śniadanak zojmie nie bolš za paŭhadziny. Zareziervavać stolik možna tut.
Naviednikam prapanujuć pakaštavać śniadanki, jakija zvyčajna sabie hatujuć biełaruskija zorki.
Sałata z sadavinaj Śviatłany Zere
Dolki marynavanaha piersika i kavałački piečyva ź miadova-johurtavaj zapraŭkaj i liścikami miaty.
Bruskieta Julii Kurjan
Chrumstki pšaničny chleb z sałomkaj sa śviežaha ahurka i viandliny, zapraŭleny johurtam ź zierniami harčycy i arechami.
Miuśli Mielity Staniuty
Złakavyja miuśli, zapraŭlenyja johurtam z kavałačkami saśpiełaj churmy.
Tosty Mašy Paharełavaj, Paliny Kraŭcovaj i Sandry Bondar
Salona-sałodkaja para tostaŭ: z łustačkami astudžanaha łasosia na listach sałaty pad johurtava-travianoj zapraŭkaj i z bananava-johurtavaj zapraŭkaj ź mindalom i šakaładam.
Vafli Niki Sandras
Lohkija vafli ź miadova-johurtavaj prasłojkaj, kavałačkami sakavitaj hrušy i rezkaj zataŭkaj.
Smuzi Alaksandry Vitorskaj, Karyny Momat i Jaŭhienii Ciulenievaj
Zdrobnienyja kavałački banana, miuśli i lasnyja jahady, abjadnanyja johurtam i ŭźbityja ŭ hustuju pienu.
Šmatki ź johurtam i amierykana Alaksandra Čarnuchi, espresa Siarhieja Malinoŭskaha abo kapučyna Hanny Jafremienka
Aŭsianyja šmatki z sadavinoj, johurtam i jabłyčna-arechavym topinham z cynamonam.
Śniadanak viehietaryjanca Mici Piślaka
Dolki cukini na śviežym bahiecie ŭ johurtavaj čyli-zapraŭcy.
Moda na ŭstanovy adnaho dnia pryjšła z ZŠA. Heta moža być nie tolki restaran, ale i, naprykład, brendavaja krama, što raptoŭna źjaŭlajecca ŭ absalutna niečakanym miescy. Dla adnadzionnaj ustanovy jak praviła abirajuć niezvyčajnuju kancepcyju: u mieniu moža być adna, ale niezvyčajnaja strava, zamiest šef-povaraŭ — viadomyja artysty ci, jak u vypadku ź johurt-baram «Aktyvija», udzielniki ruchu #zavtrakaťlehko, jakija ahitujuć rehularna śniedać.
Pieršaj pra svoj idealny śniadanak pad hetym chešteham u sacsietkach raspaviała Taćciana Kirjanava, aŭtarka fudbłoha. Jana i stała kulinarnym kansultantam pop-up bara «Aktyvija».
«Reakcyja ŭ sacyjalnych sietkach pakazvaje, što šmat ludziej upeŭnienyja: śniedać — sapraŭdy lohka i karysna. My chočam nahadać, jak važna jeści ranicaj, i zrabić znoŭ papularnym toje, pra što my čamuści zabyvajem tak časta ŭ ranišniaj śpiešcy. Darečy, jość cikavaja statystyka: kala 25 adsotkaŭ minčukoŭ nie śniedajuć. Choć viadoma, što mienavita rehularny śniadanak daje nam dobraje samaadčuvańnie i lohkaść na praciahu dnia, — tłumačyć ideju adnadzionnaha johurt-bara jaho arhanizatarka, pradstaŭnik brenda «Aktyvija» Alaksandra Charolskaja.
Restaran budzie pracavać adzin dzień na pieršym paviersie handlovaha centra «Halereja Minsk».