Idealnyja zimovyja piernički — hrejuć nie tolki dušu
Tradycyja rabić piečyva sa śpiecyjami na Rastvo isnuje ŭ mnohich narodaŭ. Jaho niejmavierny vodar i sahravajučy, krychu piakučy smak cudoŭna spałučajucca z atmaśfieraj zimovych śviataŭ i nadajuć im utulnaści.
Siońnia ja prapanuju recept takoha piečyva ad našych zachodnich susiedziaŭ palakaŭ, što adšukała na partale kwestiasmaku.com. Padobnaje piečyva časta nazyvajuć «pierničkami», a ciesta dla jaho robiać najčaściej z hatovaj sumieśsiu śpiecyj, jakaja tak i nazyvajecca — «przyprawa do piernika». Nie viedaju, ci niešta padobnaje pradajecca ŭ nas, ale kali nie — nie biada, jaje možna zrabić i samastojna.
Asnovu takoj sumiesi zvyčajna składajuć cynamon, imbir, hvaździk i muskatny arech u praporcyi prykładna 4:2:1:0,5. Taksama ŭ jaje možna dadać kardamon, kalandru, duchmiany pierac, anis — usio zaležyć ad vašych upadabańniaŭ.
Vam spatrebicca:
- 150 h masła
- 100 h cukrovaj pudry
- 1 jajka
- 2 č.ł. miodu
- 1,5 st.ł. prypravy dla piernika
- 250 h muki
- 0,5 č.ł. razrychlalniku
Jak hatavać:
1. Miakkaje masła ŭźbić z cukrovaj pudraj u pyšnuju masu. Dadać jajka i ŭźbivać jašče paru chvilin.
2. Dadać miod i prypravu, pieramiašać. Dadać muku z razrychlalnikam, zamiasić hładkaje ełastyčnaje ciesta (muki moža spatrebicca krychu bolš). Ciesta sabrać u šar, zaharnuć u plonku i pakłaści ŭ chaładzilnik minimum na hadzinu.
3. Raskačać ciesta taŭščynioj kala 3 mm, vyrazać piačeńki, vykłaści na blachu (najlepiej heta rabić u niekalki zachodaŭ, pakidajučy reštu ciesta ŭ chaładzilniku).
4. Vypiakać na 180°S 10-15 chvilin.
Viasiołych i smačnych śviataŭ!
Hatujcie taksama:
- Šakaładnaje piečyva z marcypanam
- Mindalnyja śniežki — niamieckaje kaladnaje piečyva
- Makavyja syrniki ŭ duchoŭcy
- Zapiečany kamambier i hrušy z błakitnym syram dy arechami
- Duchmianaje jabłyčnaje piečyva
- Košyčki ź jabłykami i šviejcarskaj mierenhaj
- Bliny z syram i zielaninaj
- Aładki ź jabłykami
- Harbuzovy kieks ź jabłykami, žuravinami i arechami
- Piečyva z žuravinami
- Jabłyčny kieks z syram
