Łukašenka: Vieršy Bahdanoviča pryznany adnoj z vyšyń jeŭrapiejskaj paezii XX st.
Alaksandr Łukašenka pavinšavaŭ udzielnikaŭ uračystaściaŭ z nahody 125-hodździa z dnia naradžeńnia Maksima Bahdanoviča. Pra heta paviedamili ŭ pres-słužbie biełaruskaha lidara.
president.gov.by
U vinšavańni havorycca, što vytančanyja, niepieraŭzyjdzienyja vieršy suśvietna viadomaha paeta, jakija adroźnivajucca majsterstvam vykarystańniem vobrazna-vyraznych srodkaŭ, praniknieńniem u duchoŭny śviet čałavieka i vysokaj kulturaj słova, pa pravu pryznany adnoj z vyšyń jeŭrapiejskaj paezii XX stahodździa.
«Svajoj dziejnaściu piaśniar zakłaŭ padmurak biełaruskaj nacyjanalnaj estetyki, unios vialiki ŭkład u farmiravańnie litaraturnaj movy i stanaŭleńnie patryjatyčnaj śviadomaści naroda. Tamu siońnia my, hramadzianie suvierennaj dziaržavy, pavinny šanavać i bierahčy toje, dziela čaho pracavaŭ naš znakamity ziamlak, — histaryčnuju pamiać, rodnaje słova, mocnuju krainu», — padkreśliŭ kiraŭnik dziaržavy.
Alaksandr Łukašenka vykazaŭ upeŭnienaść, što ŭračystaści z nahody 125-hodździa Maksima Bahdanoviča buduć sadziejničać umacavańniu adzinstva hramadstva i prasłaŭleńniu tvorčych talentaŭ našaha naroda.