Arche na tydzień vystaviŭ u internet knihu «Briest. Leto 1941 h. Dokumienty. Matieriały. Fotohrafii»
Sioleta pabačyła śviet kniha «Briest. Leto 1941 h. Dokumienty. Matieriały. Fotohrafii». Jana vyklikała vysokuju cikavaść čytačoŭ jak u Biełarusi, tak i ŭ susiednich krainach. A na prezentacyi vydańnia ŭ Bieraści i ŭ Miensku adbylisia haračyja dyskusii dy sprečki.
Bolšaja častka papiarovaha nakładu ŭžo razyšłasia.
Tolki adzin tydzień, ad 6-ha da 13-ha śniežnia, kniha «Briest. Leto 1941 h. Dokumienty. Matieriały. Fotohrafii» (724 staronki) dastupnaja dla nabyćcia ŭ elektronnym vyhladzie (PDF)!
Vydańnie pryśviečanaje padziejam, što adbyvalisia ŭ Bieraści j Bieraściejskaj krepaści ŭ červieni—lipieni 1941 h.
Kniha ŭpieršyniu ŭvodzić u navukovy zvarot šyroki śpiektr krynic, robić dastupnymi dakumienty i mataryjały najbolš važnyja dla razumieńnia padziej pačatkovaha pieryjadu vajny.
Publikacyja vyjšła na rasiejskaj movie. Usie tekstavyja krynicy pryvodziacca na movie aryhinału i ŭ pierakładzie na rasiejskuju movu. Jany zhrupavanyja ŭ try rubryki — «Bajavyja dziejańni», «Situacyja ŭ horadzie» j «Pačatak teroru».
U vydańni źmiaścili sotni ŭnikalnych fatazdymkaŭ Bieraścia j Bieraściejskaje krepaści ŭ červieni—lipieni 1941 h., ź ich bolš za 60 u kolery.
Kniha «Briest. Leto 1941 h. Dokumienty. Matieriały. Fotohrafii» — heta plon bolš čym piacihadovaje pracy aŭtarskaha kalektyvu, składzienaha ź niamieckich i biełaruskich navukoŭcaŭ — Kryścijana Hancera, Iryny Jalenskaj, Aleny Paškovič, Jaŭhiena Razienbłata j Siarhieja Strunca.
Pra toje, jak atrymać vydańnie, napisana ŭ sacyjalnych sietkach časopisa Arche.