Pad rasijskuju zabaronu trapili «Biełłakt» i rahačoŭskaja zhuščonka
Fiederalnaja słužba pa vieterynarnym i fitasanitarnym nahladzie (Raśsielhasnahlad) uvioŭ časovuju zabaronu na ŭvoz małočnaj pradukcyi troch biełaruskich pradpryjemstvaŭ.
Jak paviedamlajecca na sajcie viedamstva, havorka idzie pra Vaŭkavyski AAT «Biełłakt», AAT «Rahačoŭski małočna-kansiervavy kambinat» i VUP «Kalinkavicki małočny kambinat».
Takoje rašeńnie było pryniata «ŭ suviazi sa šmatlikimi parušeńniami patrabavańniaŭ Jeŭrazijskaha ekanamičnaha sajuza i Rasii ŭ pradukcyi zhadanych pradpryjemstvaŭ». Abmiežavańni pačnuć dziejničać ad suboty, 13 žniŭnia.
18 lipienia Raśsielhasnahlad spyniŭ uvoz na terytoryju Rasii bolš za 300 ton suchoha małaka i małočnaj pradukcyi siami biełaruskich pradpryjemstvaŭ, u tym liku «Kalinkavickaha małočnaha kambinata», «Słuckaha syrarobnaha kambinata» i «Savuškina pradukta».
