«Zdradnik i padluha». Daradca prezidenta Polščy — pra sudździu Šmita, jaki źbieh u Biełaruś
Stanisłaŭ Žaryn žorstka vykazaŭsia pra sudździu, jaki zapytaŭ palityčnaha prytułku ŭ Biełarusi.
Stanisłaŭ Žaryn. Skrynšot videa v X
Daradca prezidenta Polščy Stanisłaŭ Žaryn miarkuje, što sudździa Tomaš Šmit, jaki zapytaŭ u Biełarusi palityčny prytułak, stanie zorkaj prapahandy.
«Jaho buduć pradstaŭlać jak čałavieka z unutranych zachodnich struktur, jaki daviaraje chłuśni rasijskaj i biełaruskaj prapahandy. Takim čynam jon dałučyŭsia da hibrydnaj vajny suprać Polščy. Heta zdrada Respublicy Polšča», — napisaŭ Žaryn u X.
Były namieśnik kaardynatara polskich śpiecsłužbaŭ nie viedaje, ad čaho biažyć Šmit.
«Raniej padobnyja dziejańni ŭ Polščy ździajśniali tyja, chto bajaŭsia adkaznaści za svaje dziejańni. Nichto ŭ zdarovym rozumie nie ŭciače ŭ Biełaruś, kab stać maryjanietkaj u rukach Pucina i Łukašenki», — adznačyŭ Žaryn.
Jon nazvaŭ Šmita padlukaj i zdradnikam.
Čytajcie taksama:
Polski sudździa paprasiŭ abarony ŭ biełaruskich uładaŭ
Što za sudździa, jaki źbieh z Polščy da Łukašenki? Tomaš Šmit datyčny da źlivu kampramatu na kaleh
