Leanarda dzi Kaprya syhraje Raspucina

Amierykanski akcior Leanarda dzi Kaprya syhraje Hryhoryja Raspucina — siabra siamji rasijskaha impieratara Mikałaja II.

U karcinie budzie vykładziena historyja ŭzvyšeńnia mistyka Raspucina, uzmacnieńnia jaho ŭpłyvu na impieratarskuju siamju i jaho zabojstva, jakoje ŭ 1916 hodzie ažyćciavili hraf Jusupaŭ, deputat Dziaržaŭnaj Dumy Puryškievič, vialiki kniaź Dźmitryj Paŭłavič i, pa niepaćvierdžanych dadzienych, ahient brytanskaj raźviedki Osvald.

U filmie, pa dadzienych vydańnia, budzie pakazanaja składanaja natura Raspucina, jaki straciŭ u dziacinstvie lubimaha brata - mienavita hetaja častka historyi pryciahnuła ŭvahu dy Kaprya.

Pra terminy novaj karciny ź dzi Kaprya pakul ničoha nie viadoma.

U studzieni 2013 hoda akcior zajaviŭ, što za dva hady źniaŭsia ŭ troch filmach («Džanha Vyzvaleny» Kviencina Tarancina, «Vialiki Hetśbi» Baza Łurmana i «Voŭk z Uoł-Stryt» Marcina Skarseze) i pačuvajecca vymatanym, tamu płanuje zrabić pierapynak u pracy.

pavodle lenta.ru

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH