Знайсці
13.01.2022 / 09:09

Марыя Калеснікава ў калоніі плануе атрымліваць вышэйшую адукацыю

Марыя Калеснікава ў гомельскай калоніі, куды яе этапавалі 9 студзеня, пакуль знаходзіцца ў каранцінным атрадзе з пяці чалавек. Пра гэта распавёў DW адвакат палітзняволенай Уладзімір Пыльчанка.

Фота Reuters

— Яна сама ў парадку, як заўсёды бадзёрая, з чырвонай памадай, смяецца, усміхаецца, — распавёў Пыльчанка. — Цяпер яна з людзьмі — каля дзесяці месяцаў яна была ў камеры-адзіночцы і не мела магчымасці кантактаваць з людзьмі, акрамя сваіх адвакатаў, рэдкіх сустрэч з бацькам і службовымі асобамі ў СІЗА.

Цяпер яна знаходзіцца ў атрадзе з пяці чалавек, гэта атрад № 8, каранцінны. Як яна распавядала, атмасфера вельмі станоўчая, смяюцца, весяляцца — нармальная атмасфера з пункту гледжання Марыі, — кажа Пыльчанка.

Паводле яго слоў, этап прайшоў досыць хутка — ён доўжыўся менш за суткі. Марыя ў каранціне будзе знаходзіцца не больш за 14 сутак, затым яе павінны перавесці ў звычайны атрад. Пакаранне яна будзе адбываць на агульных умовах, працуючы ў калоніі. Там Калеснікава хоча атрымаць вышэйшую адукацыю. Такая магчымасць прапісаная ў заканадаўстве, расказвае адвакат.

— Ёсць дзве ВНУ, якія могуць даваць адукацыю. < … > Вядома, яна з цікавасцю паставілася да гэтай ідэі, і сама будзе шукаць інфармацыю, што за ВНУ і якім чынам [паступіць туды].

Адвакат таксама распавёў, што апеляцыю на прысуд яны ўжо падавалі — другая судовая інстанцыя пакінула яго без змен. Калеснікава з адвакатамі плануе абскарджваць прысуд і далей, выкарыстоўваць усе «легальныя механізмы для яго адмены».

Нагадаем, што кіраўніцу штаба Бабарыкі Марыю Калеснікаву 6 верасня 2021 года асудзілі на 11 гадоў калоніі.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
май чэрвень ліпень
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30