Андрэй Кураеў паведаміў, што яго аднавілі ў сане ва Усяленскім патрыярхаце
Протадыякан Андрэй Кураеў напісаў у сваім блогу, што яго аднавілі ў сане ва Усяленскім патрыярхаце. Паводле яго слоў, адпаведны ўказ ён атрымаў на сваю электронную пошту 5 красавіка, роўна праз 15 гадоў з моманту ўзвядзення ў сан протадыякана.
«Сам указ быў падпісаны 3 красавіка 2024 года. Але зноў жа ў гэты дзень 3 красавіка 2021 года быў указ патрыярха Кірыла аб пазбаўленні мяне сану (з мараторыем). Госпад, няўжо я Табе яшчэ патрэбен, што ты даеш такія «супадзенні»?» — напісаў Кураеў.
У красавіку 2023 года патрыярх Кірыл пазбавіў Кураева сану. Згодна з указам, святар вёў «дэструктыўную дзейнасць» і «не праявіў ні на словах, ні ў справах прыкметаў пакаяння».
У кастрычніку 2023 года Кураеў паведаміў, што пакінуў Расію.
Чытайце таксама:
Папа прызначыў у Беларусі новага біскупа. У Гродзенскай дыяцэзіі чакаюцца перамены?
Беларускі святар адказаў на пытанне, ці можна пахрысціць ката
Святарам РПЦ загадалі штодня чытаць малітвы аб перамозе ў вайне
