Andrej Kurajeŭ paviedamiŭ, što jaho adnavili ŭ sanie va Usialenskim patryjarchacie
Protadyjakan Andrej Kurajeŭ napisaŭ u svaim błohu, što jaho adnavili ŭ sanie va Usialenskim patryjarchacie. Pavodle jaho słoŭ, adpaviedny ŭkaz jon atrymaŭ na svaju elektronnuju poštu 5 krasavika, roŭna praz 15 hadoŭ z momantu ŭźviadzieńnia ŭ san protadyjakana.
«Sam ukaz byŭ padpisany 3 krasavika 2024 hoda. Ale znoŭ ža ŭ hety dzień 3 krasavika 2021 hoda byŭ ukaz patryjarcha Kiryła ab pazbaŭleńni mianie sanu (z maratoryjem). Hospad, niaŭžo ja Tabie jašče patrebien, što ty daješ takija «supadzieńni»?» — napisaŭ Kurajeŭ.
U krasaviku 2023 hoda patryjarch Kirył pazbaviŭ Kurajeva sanu. Zhodna z ukazam, śviatar vioŭ «destruktyŭnuju dziejnaść» i «nie prajaviŭ ni na słovach, ni ŭ spravach prykmietaŭ pakajańnia».
U kastryčniku 2023 hoda Kurajeŭ paviedamiŭ, što pakinuŭ Rasiju.
Čytajcie taksama:
Papa pryznačyŭ u Biełarusi novaha biskupa. U Hrodzienskaj dyjacezii čakajucca pieramieny?
Biełaruski śviatar adkazaŭ na pytańnie, ci možna pachryścić kata
Śviataram RPC zahadali štodnia čytać malitvy ab pieramozie ŭ vajnie
