Памёр Анатоль Галушка
Самабытнаму мастаку, які маляваў, трымаючы пэндзаль зубамі, было 60 гадоў.
Анатоль Галушка. Фота: Ганцавіцкі час
12 снежня падчас падрыхтоўкі да аперацыі памёр Анатоль Галушка — паэт, эсэіст, мастак. Пра гэта паведамілі ў фэйсбуку яго сябры.
Анатоль Галушка — мастак з вёскі Магіліцы Івацэвіцкага раёна. Больш за 40 гадоў ён быў прыкаваны да ложка, болей за 20 — маляваў, трымаючы пэндзаль у зубах. Таксама ён пісаў вершы ды прозу.
Анатоль атрымаў у юнацтве цяжкую траўму пазваночніка, няўдала скокнуўшы ў ваду. Траўма прывяла амаль да поўнага абязрушвання. За гэты час Галушка шмат разважаў, працаваў над сабой і, па-сутнасці, навучыўся жыць нанова.
Ён казаў, што для яго самае складанае: гэта тое, што нельга адысці, зрабіць крок назад, каб зірнуць на намаляванае.
«Такім чынам я пазбаўлены перспектывы. Малюеш-малюеш, адышоў — і фарбы бачыш, каларыт, перспектыву, адценні, палітру ўсю. А калі палатно пад носам — ты не разумееш гэтага. Працуеш навобмацак, на інтуіцыі», — казаў ён.
Фота: «Ганцавіцкі час»
Чытайце таксама:
«Тое, што ў мяне ёсць — я за гэта ўчапіўся, трымаюся і жыву». Гісторыя мастака, які малюе зубамі
