ЗША не бачаць пагрозы ядзернай вайны з-за размяшчэння ядзернай зброі ў Беларусі
Злучаныя Штаты не бачаць, каб нешта сведчыла пра тое, што размяшчэнне расійскай тактычнай ядзернай зброі на тэрыторыі Беларусі нясе ў сабе рызыку ядзернай вайны, заявіў у пятніцу каардынатар стратэгічных камунікацый у Радзе нацыянальнай бяспекі Белага дома Джон Кірбі.
Джон Кірбі. Фота: AP Photo / Manuel Balce Ceneta
«Мы не бачым нічога, што магло б быць сведчаннем перасоўвання ядзерных узбраенняў або набліжэння рызыкі ядзернай вайны ва Украіне ці на кантыненце», — сказаў амерыканскі чыноўнік у інтэрв'ю тэлекампаніі CNN.
Кірбі дадаў, што Вашынгтон таксама не бачыць падстаў мяняць гатоўнасць сваіх стратэгічных сіл у сувязі з паведамленнямі аб пачатку перамяшчэння тактычнай ядзернай зброі ў Беларусь.
9 чэрвеня Пуцін заявіў, што размяшчэнне расійскай тактычнай ядзернай зброі ў Беларусі пачнецца адразу ж пасля таго, як 7-8 ліпеня завершыцца падрыхтоўка неабходных для гэтага збудаванняў.
Чытайце таксама:
Столтэнберг: Пагадненне аб размяшчэнні ядзернай зброі ў Беларусі непрымальнае
