Еўрасаюз зможа паставіць Украіне F-16 ужо хутка — Барэль
Еўрасаюз вітае рашэнне «Вялікай сямёркі» аб падрыхтоўцы да адпраўкі ва Украіну самалётаў-знішчальнікаў F-16 і разлічвае, што «ўжо хутка» зможа іх паставіць. Пра гэта заявіў кіраўнік знешнепалітычнай службы ЕС Жазэп Барэль.
Жазэп Барэль
«Гэта вельмі добрая ідэя, гэта выдатны крок «сямёркі», каб, нарэшце, пачаць рыхтаваць умовы для паставак знішчальнікаў. Падрыхтоўка пілотаў ужо пачалася — гэта першае, што трэба зрабіць, і я вельмі спадзяюся, што мы хутка зможам паставіць Украіне гэты від зброі», — сказаў Барэль.
Ён таксама дадаў, што кіраўнікі знешнепалітычных ведамстваў у панядзелак абмяркоўваюць пытанне выдзялення з Еўрапейскага фонду міру новага траншу на ўзбраенне для Кіева.
Чытайце таксама:
ЗША пацвердзілі ўдзел у «кааліцыі знішчальнікаў». Дзяржавы абмяркуюць, калі даць F-16 Украіне
