Jeŭrasajuz zmoža pastavić Ukrainie F-16 užo chutka — Barel
Jeŭrasajuz vitaje rašeńnie «Vialikaj siamiorki» ab padrychtoŭcy da adpraŭki va Ukrainu samalotaŭ-źniščalnikaŭ F-16 i raźličvaje, što «ŭžo chutka» zmoža ich pastavić. Pra heta zajaviŭ kiraŭnik źniešniepalityčnaj słužby ES Žazep Barel.
Žazep Barel
«Heta vielmi dobraja ideja, heta vydatny krok «siamiorki», kab, narešcie, pačać rychtavać umovy dla pastavak źniščalnikaŭ. Padrychtoŭka piłotaŭ užo pačałasia — heta pieršaje, što treba zrabić, i ja vielmi spadziajusia, što my chutka zmožam pastavić Ukrainie hety vid zbroi», — skazaŭ Barel.
Jon taksama dadaŭ, što kiraŭniki źniešniepalityčnych viedamstvaŭ u paniadziełak abmiarkoŭvajuć pytańnie vydzialeńnia ź Jeŭrapiejskaha fondu miru novaha tranšu na ŭzbrajeńnie dla Kijeva.
Čytajcie taksama:
ZŠA paćvierdzili ŭdzieł u «kaalicyi źniščalnikaŭ». Dziaržavy abmiarkujuć, kali dać F-16 Ukrainie
