«Нічога ў практычным сэнсе не было зроблена». Прадстаўнік Беларусі пры ААН расказаў, што цяпер адбываецца з размяшчэннем ядзернай зброі
Практычных крокаў па размяшчэнні расійскай тактычнай ядзернай зброі ў Беларусі пакуль не рабілася, заявіў сёння падчас дэбатаў пастаянны прадстаўнік Беларусі пры ААН Валянцін Рыбакоў.
Валянцін Рыбакоў
«Гэтая аб'ява аб размяшчэнні тактычнай ядзернай зброі ў Рэспубліцы Беларусь — перш за ўсё, проста заява. Нічога ў практычным сэнсе не было зроблена ў гэтым дачыненні», — сказаў Рыбакоў.
Пры гэтым ён заявіў, што размяшчэнне ядзернай зброі на сваёй тэрыторыі — гэта, маўляў, суверэннае рашэнне любой краіны, каб абараніць сябе ад выклікаў і пагроз.
Раней Уладзімір Пуцін паведаміў, што сховішча для захоўвання ядзерных ракет на тэрыторыі Беларусі будзе, маўляў, гатовае да 1 ліпеня 2023 года. Зброю збіраюцца размяшчаць нібыта па просьбе Лукашэнкі, але кантроль і кіраванне ёй застанецца за Расіяй.
Чытайце таксама:
Генеральны сакратар НАТА: Ядзерныя пагрозы Расіі нас не запалохаюць, падтрымка Украіны працягнецца
G7: Пагроза размяшчэння ядзернай зброі ў Беларусі непрымальная
У Беларусі можа з'явіцца і стратэгічная ядзерная зброя — Хрэнін
Беларускія вайскоўцы прайшлі падрыхтоўку па спецыяльным прымяненні штурмавікоў Су-25
«З дапамогай «ядзернай дубінкі» Пуцін хоча паказаць усяму свету, што імперыя вярнулася»
