Нямеччына абвясціла пра найбуйнейшы пакет зброі для Украіны — на 3 мільярды даляраў
Нямеччына плануе перадаць Кіеву самы вялікі пакет дапамогі з пачатку расійскага ўварвання ва Украіну — яго кошт складзе 2,7 млрд еўра (3 млрд даляраў). Пра гэта ў суботу абвясціў міністр абароны Нямеччыны Барыс Пісторыус, піша Бі-бі-сі.
Танк Leopard
У новы пакет дапамогі, як паведамляе Міністэрства абароны, увойдуць у тым ліку 30 танкаў Leopard-1, 15 зенітных самаходных установак Gepard, больш за 200 разведвальных беспілотнікаў, чатыры зенітна-ракетныя комплексы IRIS-T-SLM.
«Мы хочам, каб гэтая жудасная і беззаконная вайна скончылася як мага хутчэй … на жаль, пакуль для гэтага няма ніякіх перадумоў», — заявіў Барыс Пісторыус.
Міністр заявіў, што Нямеччына працягне аказваць дапамогу Кіеву.
Пра тое, што Нямеччына рыхтуе новы пакет вайсковай дапамогі Украіне на 2,7 млрд еўраў, раней паведаміў кіраўнік Офіса прэзідэнта Украіны Андрэй Ярмак.
Чытайце таксама:
«Не хапала сілы». Залужны згадаў, што давяло яго да слёз з пачатку расійскага ўварвання
«З мэтай павышэння ўстойлівасці абароны». Мінабароны Расіі прызнала адступленне на поўнач ад Бахмута
А потым будуць казкі разказваць, што дапамагаюць не меньш Польшчы, якая адразу пачала даваць танкі і ужо дала болей чым 300 танкаў (больш чым увесь астатні свет разам)