Niamieččyna abviaściła pra najbujniejšy pakiet zbroi dla Ukrainy — na 3 miljardy dalaraŭ
Niamieččyna płanuje pieradać Kijevu samy vialiki pakiet dapamohi z pačatku rasijskaha ŭvarvańnia va Ukrainu — jaho košt składzie 2,7 młrd jeŭra (3 młrd dalaraŭ). Pra heta ŭ subotu abviaściŭ ministr abarony Niamieččyny Barys Pistoryus, piša Bi-bi-si.
Tank Leopard
U novy pakiet dapamohi, jak paviedamlaje Ministerstva abarony, uvojduć u tym liku 30 tankaŭ Leopard-1, 15 zienitnych samachodnych ustanovak Gepard, bolš za 200 raźviedvalnych bieśpiłotnikaŭ, čatyry zienitna-rakietnyja kompleksy IRIS-T-SLM.
«My chočam, kab hetaja žudasnaja i biezzakonnaja vajna skončyłasia jak maha chutčej … na žal, pakul dla hetaha niama nijakich pieradumoŭ», — zajaviŭ Barys Pistoryus.
Ministr zajaviŭ, što Niamieččyna praciahnie akazvać dapamohu Kijevu.
Pra toje, što Niamieččyna rychtuje novy pakiet vajskovaj dapamohi Ukrainie na 2,7 młrd jeŭraŭ, raniej paviedamiŭ kiraŭnik Ofisa prezidenta Ukrainy Andrej Jarmak.
Čytajcie taksama:
«Nie chapała siły». Załužny zhadaŭ, što daviało jaho da śloz z pačatku rasijskaha ŭvarvańnia
Ukrainskija vojski pačali padrychtoŭku da kontrnastupu — CNN
A potym buduć kazki razkazvać, što dapamahajuć nie mieńš Polščy, jakaja adrazu pačała davać tanki i užo dała bolej čym 300 tankaŭ (bolš čym uvieś astatni śviet razam)