Пенсіянер наводзіў парадак на лецішчы. Згарэла гаспадарчая пабудова, і ледзь не згарэў сам

Ратавальнікам прыйшло паведамленне, што гарыць гаспадарчая пабудова. Калі супрацоўнікі МНС прыбылі на месца, драўляны будынак быў цалкам ахоплены полымем.

Як высветлілася пазней, пабудова належыць жыхару абласнога цэнтра. Напярэдадні здарэння яго бацька прыехаў на лецішча, каб навесці парадак. Пенсіянер спальваў смецце ў металічнай бочцы. У нейкі момант ён адхіліўся, а парывы ветру перакінулі агонь на гаспадарчую пабудову.

Мужчына спрабаваў самастойна справіцца з узгараннем, а суседзі паведамілі пра здарэнне ратавальнікам.

Каля 20 хвілін спатрэбілася байцам МНС, каб ліквідаваць пажар. Агонь знішчыў пабудову.

Пры спробе самастойнага тушэння пенсіянер атрымаў тэрмічныя апёкі, шпіталізацыя яму не спатрэбілася.

Чытайце таксама:

У Сожы ў Слаўгарадзе патанула пенсіянерка

У Маладзечанскім раёне карова правалілася ў калодзеж

Двое дзяцей атруціліся чадным газам у Гродзенскім раёне

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

2

1

1

0